Три лица се извлечени од урнатините на зградата во Торе дел Греко, која е оддалечена околу 12 километри од Неапол, а во болница се згрижени со повреди на различни делови од телото, јавува италијанската агенција АНСА.
Италијанските медиуми јавуваат дека две лица кои биле во близина на зградата се полесно повредени откако биле погодени од парчиња од урнатините.
A Torre del Greco, in provincia di Napoli, è crollata una palazzina di tre piani. Sono finora tre le persone estratte vive ma si teme possano esserci delle vittime. Nella struttura vivevano almeno 5 famiglie. Si scava ancora a mani nude in cerca di possibili segnali di vita pic.twitter.com/PJEpQBezao
— Tg3 (@Tg3web) July 16, 2023
Спасувачите продолжуваат да трагаат по луѓе во урнатините, а не е познато колку имало внатре во зградата во моментот на уривањето. Исто така, пожарникарите се обидуваат да одблокираат две постари жени кои се заробени во нивните домови по уривањето на блиската зграда.
Локалните жители велат дека зградите во Торе дел Греко се многу стари, а онаа што се урна била особено критична и имала видливи пукнатини и други знаци на опасност, наведува италијанската агенција.
