Италијанскиот производител на автомобили „Fiat“ ќе престане да произведува возила во сива боја, соопшти мултинационалната автомобилска корпорација „Stellantis“, која е сопственик на брендот „Fiat“.
Како што вели извршниот директор на компанијата Оливие Франсоа, одлуката „има цел дополнително да го зацврсти лидерството на ‘Fiat’ како бренд на радоста, боите и оптимизмот“.
Според него, целта е потенцирање на „значењето на боите коишто го олицетворуваат италијанскиот начин на живот“.
Палетата бои за каросеријата на автомобилите е „инспирирана од италијанското море, сонцето, земјата и небото“, се истакнува во објавата за јавноста.
Челникот на „Fiat“ додава дека компанијата сака „да ги инспирира луѓето да живеат со оптимизам и позитивност, што ќе биде една од мисиите на новиот електричен автомобили Fiat 600е, кој ќе биде претставен на 4-ти јули“.
Мултинационалната автомобилска корпорација „Stellantis“ настана во 2021 година со спојувањето на италијанско-американскиот производител „Fiat Chrysler Automobiles“ (FCA) со француската компанија „ Groupe PSA“. Бендовите на корпорациијата ги вклучуваат „Alfa Romeo“, „Chrysler“, „Citroen“, „Dodge“, „Fiat“, „Jeep“, „Maserati“, „Opel“, „Peugeot“…
What do a grey Fiat, our CEO and a huge can of orange paint have in common? Apparently… a lot!
In Lerici, a small town in Liguria, Our CEO Olivier François decided to confirm once again that Fiat is the brand of colours: we present to you Operation No Grey! pic.twitter.com/MNb0WbtHS2— Fiat (@fiat) June 26, 2023
