Вчеравечер се случила експлозија на камион на автопатот А3 во Хрваткска кај Славонски Брод. Камионот со приколка бил полн со чоколадо.
Камионот целосно изгоре, а утрово останале само траги од чоколадото што го превезувал.
„На 221-от километар од автопатот А3, на неговата јужна лента, најпрво се запали приколката, а потоа и камионот, што на крајот изгоре целосно. Извештајот го примивме во 00:20 часот, а сообраќајот беше забавен од овој настан од 00:40 до 1:20 часот. Интервенираше противпожарната бригада Славонски Брод “, изјави за СБплус Дамир Брежиќ, полициски службеник за односи со јавноста на полициската управа Брод – Посавина.
Граѓаните што живеат во близина слушнале две експлозии.Никој не е повреден.
