ВИДЕО| Канадски пратеници прошетаа со розови штикли за поголема свест за насилството врз жените

Пратениците во канадскиот парламент носеа розови потпетици како дел од настанот „Надеж на високи потпетици“, спонзориран од засолниште за жени во Онтарио, за да се подигне свеста за насилството врз жените.
„Насилството врз жените сè уште преовладува во нашето општество“, твитна во четвртокот канадскиот министер за транспорт Омар Алгабра, заедно со видеото од настанот.
„Надеж на високи потпетици“ е настан кој ја подигнува свеста за насилството врз жените, истовремено охрабрувајќи ги мажите и момчињата да бидат дел од решението. Ги носевме нивните препознатливи розови потпетици за да го поддржиме тоа“, посочи тој.
Пратеничката на Либералната партија Карина Гулд исто така зборуваше за настанот:
„Едукацијата на мажите и момчињата е дел од решението и наша одговорност е да ставиме крај на родовото насилство“, напиша Гулд.