Во Индија кобра гризна маж кој се обидел да ја бакне, а снимката од инцидентот со змијата кој се случил минатата седмицаја објави порталот Newsflare.
Жителите на градот Бхадравати ја забележале отровницата во една уличка и побарале помош од човек кој ќе умее да ја скроти змијата и да ја отстрани. Маж по името Сони брзо ја скротил кобрата, а потоа решил да се поигра со неа пред насобраните љубопитни жители.
Индиецот на шега сакал да ја бакне змијата и полека се наведнал кон неа. Кобрата веднаш се вкочанила во позиција за напад и кога мажот се наведнал кон неа нагло го гризнала за усната.
Несреќникот морал да биде хоспитализиран. Како што рекол очевидецот Кришна Кумар, Сони се обидел да повтори еден од триковите кои се популарни на интернет.
„Меѓутоа, наместо да ја бакне кобрат од зад, тој будалесто ја бакна однапред и плати за тоа“, рекол Кумар.
Експертот за змии Сугхнди Малик коментира дека ваквите активности „се незаконски и многу држави ги забранија“. „Тие се глупави и мора да бидат обесхрабрувани. Особено во ова видео забележувам како тој прави многу грешки при комуницирањето со змијата“, додал.
https://www.youtube.com/watch?v=Z7J71j9i6w4&feature=emb_title
