Министерството за здравство на Саудиска Арабија објави видео на својот ЈуТјуб канал, во кое покажуваат колку е важно да се мијат рацете во услови на епидемија на новиот коронавирус.
Како препорака број еден во борбата против сите вируси, па така и новиот коронавирус, се посочува миењето раце со сапун во траење од најмалку 20 секунди, а доколку не постои можност, тогаш задолжителна дезинфекција со средство на база на алкохол.
Видеото покажува како коронавирусот може да се прошири преку контакт со заболено лице, предмети кое тоа лице ги допирало и ракување.
