Припадници на индонезиските служби за потрага и спасување со помош на локалните жители го лоцирале наводното место на падот на авионот на индонезиската воздухопловна компанија „ Sriwijaya Air“ во акваториумот на Јаванското Моте, пренесува индонезиската новинска агенција Antara.
Според портпаролот на регионалната администрација на провинцијата Серибу Џефри, „биле пронајдени детали кои може да потекнуваат од авионот, како и местото на неговиот пад“.
Според индонезиските медиуми, авионот од типот „Boeing 737-524“ со 59 патници и членови на екипажот, се урнал во морето околу четири минути по полетувањето од аеродромот во главниот град Џакарта. Авионот на летот SJY182 се упатил кон градот Понтинак во покраината Западен Калимантан.
Претходно глобалната веб-страница за следење на летовите Flightradar24.com, соопшти дека контактот со авионот бил загубен на повеќе од 3.000 метри надморска височина за помалку од една минута по полетувањето.
Според новинската агенција Xinhua, жителите на околните острови слушнале две експлозии, а потоа пронашле остатоци во морето. Биле пронајдени кутии со кабли и жици за кои се верува дека се од исчезнатиот авион. Тие се предаден на полицијата и се очекува нивно вештачење.
Video reportedly shows debris from Sriwijaya Air flight SJ182 after disappearing from radar on take off from Jakarta airport. Number of passengers and crew on board is currently unknown. https://t.co/LeQlvgiUHy pic.twitter.com/BhHSdFIsbz
— Breaking Aviation News & Videos (@breakingavnews) January 9, 2021
