Изградбата на најдолгиот подводен тунел во светот, што ќе ги поврзува Данска и Германија, ќе започне во јануари следната година, изјави денеска данскиот министер за транспорт.
Данската влада првпат ги објави плановите за проектот во 2015 година со датум на завршување до 2024 година, но се очекува тунелот да биде отворен за сообраќај во 2029 година.
Целиот проект се проценува дека ќе чини 7,6 милијарди американски долари по цени од 2015 година, според Фондот за развој на теснецот Фемерн.
Во март, регулаторите на државната помош на ЕУ одобрија финансиска поддршка за Данска за проектот.
На патниците во моментов им требаат 45 минути со траект за да го преминат теснецот Фемерн , но откако ќе се изгради тунелот, ќе се премине со автомобил за 10 минути или со воз за 7 минути.
https://www.youtube.com/watch?time_continue=61&v=_XUiMncXp7A&feature=emb_logo
