Најмалку 14 лица загинаа и 16 се повредени, а многу повеќе се стравува дека се исчезнати откако автобус со 40 патници од Индија падна во река во Непал, изјави во петокот портпаролот на полицијата на хималајската земја.
Патиштата во планинските области може да бидат опасни за возачите, бидејќи често се тесни, што го отежнува маневрирањето на големите возила околу острите свиоци.
Автобусот, регистриран во Индија, се упатил кон непалската престолнина Катманду од туристичкиот град Покара со околу 40 индиски патници, изјави портпаролот Шајлендра Тапа. Спасувачите извлекоа 16 лица од водите на реката Марсијангди надојдена од дождовите, во округот Танахун, на околу 118 километри од главниот град, рече Тапа.
Полициски и армиски тимови се искачија по долгите метални скали за да стигнат до реката, користејќи јажиња за да ги извлечат повредените и мртвите. Исцрпени жени и деца лежат меѓу остатоците расфрлани покрај бреговите на реката која брзо тече, додека спасувачите извлекуваат одвај свесно дете, покажа видео снимката.
Соседната индиска држава Утар Прадеш, каде што патниците се качија во автобусот, испраќа службеник да ги координира напорите за спасување, објави новинската агенција ANI.