Најмалку шест лица загинале во лавина во италијански Доломити, објави во неделата центарот за спасување во регионот Венето. Едно тешко повредено лице е пренесено во болница во градот Тревизо.
Уште осум луѓе се повредени по колапсот на ледникот на планината Мармолада на северот на Италија, а пет хеликоптери и неколку спасувачки тимови со кучиња трагачи се во потрага по други луѓе затрупани под снегот.
Според непотврдени информации, групата броела најмалку 18 лица, од кои десетина се водат како исчезнати.
Несреќата се случила кога се откачил голем дел од глечерот и погодил рута за искачување на која имало доста луѓе. Во саботата на Мармолада беше постигнат температурен рекорд, со околу 10 Целзиусови степени на врвот.
