ВИДЕО| Најмалку шест жртви во земјотрес во Непал

Земјотрес со магнитуда 6,6 според Рихтер го погоди утрото во средата Непал, објави националниот сеизмолошки центар, а медиумите известуваат дека загинале најмалку шест лица.

Првично беше објавено дека земјотресот кој се случил околу 2 часот утрото по локално времен бил со магнитуда од 5,6 но подоцна информацијата е коригирана за цел степен на Рихтеровата скала.

Медиумите известуваат дека потресот силно бил почувствуван во цела северна Индија, како и од жителите на индиската престолнина Њу Делхи.

Медиумите известуваат и дека пет лица биле хоспитализирани поради повреди, а дека се пријавени оштетувања на десетици куќи во непалскиот округ Доти. Во регионот се испратени припадници на непалската војска во операција на потрага и спасување.

Ова е втор подземен удар во последните 24 часа, која ја погодил областа 155 километри североисточно од главниот град Катманду, по оној со магнитуда од 4,5 во вторникот утрото. Првиот потрес бил на 100 а денешниот на 10 километри длабочина.