Голем пожар изби во центарот на Лос Анџелес во Калифорнија, поради што се затворени двата главни автопати и е предизвикан вистински колапс во овој американски град.
Амерканските медиуми пишуваат дека пожарот избил во станбена зграда која е во изградба, а биле зафатени и две други згради.
– Повеќе од 250 пожарникари сеуште се обидуваат да се изборат со огнената стихија во центарот на градот, изјави портпаролот на противпожарната служба на Лос Анџелес, Дејвид Ортиз.
Ортиз изрази уверување дека во зградата немало никој во моментот кога избил пожарот.
Инаку, пожарот избил во 1.20 часот по полноќ, а можел да се забалежи и на другиот крај на градот.
