(ВИДЕО) Јокиќ со спектакуларна „банана“ во последниот напад му покажа на „ѕверот“ Зајон кој е кој

Во возбудливиот и неизвесн меч против Њу Орлеанс, Денвер успеа да стигне до трета победа во низа во НБА лигата, а како што се навикнавме да гледаме веќе извесно време, најзаслужен за победата на Нагетси беше фантастичниот Никола Јокиќ.

Србинот одново брилјираше во сите статистички показатели и беше убедливо најдобар играч во офанзивен план, но во одлучувачките моменти од средба во „Бол арената“, центарот на домашниот тим на маестрален и атрактивен начин го блокираше најдобриот поединец во противничкиот тим.

Зајон Вилијамсон беше во најповолна позиција да го однесе мечот во продолжение, но Јокиќ со атрактивна „банана“ го остави без шанса за радост и ја обезбеди победата на домаќините.

Инаку, во победата од 114:112, Јокиќ забележа 32 поени, 7 скокови и 8 асистенции, а следен во статистиката беше Портер со 28 поени зад своето име. Зајон кој имаше топката за израмнување во свои раце, на крајот мечот го заврши со 21 поен.

НБА резултати:

Кливленд – Орландо 104:109
Филаделфија – Атланта 127:83
Бостон – Шарлот 120:111
Њујорк – Чикаго 113:94
Вашингтон – ЛА Лејкерс 116:107
Мајами – Сан Антонио 116:111
Денвер – Њу Орлеанс 114:112
Мемфис – Портланд 109:130
Феникс – ЛА Клиперс 109:101
Сакраменто – Јута 105:154.

ПОВРЗАНИ НАПИСИПОВЕЌЕ ОД АВТОРОТ