Полицијата во Лос Анџелес, Калифорнија во неделата извлече пилот од авион Цесна што се урна на железничка пруга неколку секунди пред воз да удри во авионот и да го распарчи.
На снимките од полициската камера, може да се видат полицајците како брзаат да го извлечат тешко повредениот пилот од неговиот авион, кој паднал на железничка пруга на патот Сан Фернандо и улицата Озборн. Само неколку секунди откако го извлекуваат раскрвавениот пилот, може да се види возот како го распарчува леталото.
Полицајците и пилотот биле на само неколку метри од пругата кога возот што поминувал го распарчил авионот.
Foothill Division Officers displayed heroism and quick action by saving the life of a pilot who made an emergency landing on the railroad tracks at San Fernando Rd. and Osborne St., just before an oncoming train collided with the aircraft. pic.twitter.com/DDxtGGIIMo
— LAPD HQ (@LAPDHQ) January 10, 2022
„Авионот не успеа да полета и слета на железничката пруга на сообраќајната раскрсница“, рече Луис Хименез, 21-годишник кој го снимил видеото. „Само неколку секунди пред судирот, полицајците го спасија пилотот, а парче од остатоците за малку ќе ме погодеше“.
Train crashes into plane at Whiteman Airport Van Nuys, CA #ABC7Eyewitness #breakingnews @FOXLA @ABC7 @KTLA pic.twitter.com/D1eEtvaajF
— Luis Jimenez (@ComposerLuis) January 9, 2022
Пилотот се здобил со исеченици и модринки, но тој е во стабилна состојба, јавуваат локалните медиуми. Во возот нема повредени, јавуваат локалните медиуми.
На видеото објавено од полициската управа во Лос Анџелес на Твитер се гледа како полицијата извлекува раскрвавен пилот од авионот.
Одделот ги пофали своите вработени пишувајќи во твит дека „покажале херојство и брза акција спасувајќи го животот на пилотот кој бил принуден да слета на железничката пруга“.
