(ВИДЕО) Полициски инспектор од Куманово се договара со дилер: Нема никој да те дира од колегите

Никој нема да те дира од колегите. Значи зависи од тебе, јас едно ќе ти кажам јас веќе нема да ти вакво. Али едно друго значи да знаеш на улица ако се сретнемо ќе имаш проблем, а јас можам да те бутам кога сакам, имам конкретни информации за тебе лично, ама ти не играш мушки, едно кажуваш друго постапуваш и ми креваш глас, вака започнува снимен телефонски разговор кој трае две и половина минути помеѓу локален дилер во Куманово и инспектор на НТШ во градот, а чија снимка се шири вирално на социјалните мрежи.

Како што пренесува Инфомакс, едниот криминалец Македонец, другиот Албанец инспектор, дружбата функционира одлично и со разбирање како што би рекол и самиот Заев „едно општество за сите“.

Инспекторот за наркотици во Куманово го уверува дулерот кој пуши џоинт додека разговара со инспекторот дека за него има доволно материјал да го уапси, но нема да го апси. Дилерот од друга стана пак вели дека имал домашни проблеми и вели дека тоа што е договорено ќе биде завршено само му е потребно малку време.

„И јас сум човек од крв и месо, треба да се прилагодам малце ти кажав, а тоа што ти кажавќе го завршиме стојам на збор јас“, се наведува во разговорот.

Инспекторот инсистира договореното да се заврши.

„Види некој наваму или натаму, ти си на улица друже“, вели инспекторот.

Дилерот повторно го упатува на домашните проблеми и вели дека не може да собере доволно пари.

„Епа не сум ова од кога ми се случи со автомобилот, проблем со мајка ми, не можам пари да соберам“, додава дилерот.