ВИДЕО| Политички претставник на Хамас убиен во ракетирање на канцеларијата на движењето во Бејрут

Заменик-шефот на политбирото на палестинското исламистичко движење Хамас, Салех ал-Арури и три лица од неговата придружба загинаа во вторникот во експлозија што се случи во јужните предградија на либанската престолнина Бејрут, објави либанскиот сателитски тв-канал Al Mayadeen.

Претходно, либанската национална новинска агенција објави дека израелско беспилотно летало нападнало канцеларија на Хамас во населбата Ал Мушарафија во јужен Бејрут, при што загинале четири лица, а неколку други се повредени.

Според телевизијата, израелско беспилотно летало ја погодило канцеларијата на Хамас со три ракети. Засега нема официјална потврда од Хамас, а во прилогот на Al Mayadeen не се дадени други поединости за инцидентот.

 

 

ПОВРЗАНИ НАПИСИПОВЕЌЕ ОД АВТОРОТ