Портретот на Алан Тјуринг нацртан од робот достигна цена од повеќе од 960.000 евра на наддавање на аукциската куќа Sotheby’s.
Робот „Ai-Da Robot“, именуван по Ада Лавлејс (Августа Ада Кинг, грофица од Лавлејс), која се смета за првата компјутерска програмерка, е првиот робот-уметник чие дело е продадено во олема аукциска куќа.
Ултрареалистичниот робот дизајниран да изгледа како жена е создаден од тим предводен од Ејдан Мелер. Ai-Da има камери во очите и користи вештачка интелигенција за цртање, сликање и вајање.
Се очекуваше неговото дело високо 2,2 метри изработено со помош на алгоритми за вештачка интелигенција да достигне цена меѓу 120 и 180 илјади евра, но на крајот беше продадена за повеќе од 960 илјади евра.
Сликата го прикажува Алан Тјуринг, британскиот научник кој се смета за татко на модерните компјутери.
Ai-Da веќе ги нацрта главните изведувачи на музичкиот фестивал Гластонбери пред две години: Били Ајлиш, Дајана Рос, Кендрик Ламар и Пол Макартни.
Истата година, роботот ја наслика и британската кралица во пресрет на нејзиниот платинест јубилеј.
