Руските вооружени сили одбиле украинска офанзива во насока на јужен Доњецк, објави рано во понеделникот руското Министерство за одбрана.
Украина, според овој извор, тргнала во офанзива со шест механизирани и два тенковски баталјона.
„На четврти јуни утрото непријателот започна голема офанзива во пет сектори на боиштето во насока на јужен Доњецк. Целта на непријателот беше пробивање на нашите одбранбени линии на, според негово мислење, најранливиот дел од фронтот“, се наведува во соопштението за јавноста.
„Непријателот не ги постигна своите цели, претрпи неуспех“, се истакнува во објавата на руското Министерство за одбрана.
Агенцијата Reuters забележува дека не можела веднаш да ги провери тврдењата од Москва, додека Киев досега не коментирал за воени акции на источниот правец на украинското боиште.
Руското министерство објави видео коешто, како што се наведува, прикажува неколку украински оклопни возила во пламен откако се погодени.
„Како резултат на умешните и компетентни дејствија на (борбената) група ‘Исток’, загубите на Вооружените сили на Украина изнесуваат повеќе 250 припадници на личниот состав на украинската војска, 16 тенкови, 3 пешадиски борбени возила, 21 оклопно борбено возило“, додава руското Министерство за одбрана.
Во областа која ја нападнале украинските сили, според објавата на Telegram, се наоѓал началникот на рускиот Генералштаб, Валериј Герасимов, кој командува со руските воени операции во Украина.
„… Герасимов беше на една од истакнатите командни позиции“, наведува министерството за одбрана.
Засега не е јасно да ли овој напад претставува почеток на речиси повеќе од половина година најавуваната украинска офанзива, со којашто Киев најавува враќање под контрола на територијата којашто сега ја управуваат руските сили. Киев во неделата повика на „тишина пред офанзива“, потсетува Reuters.
Украина изминатите седмица настојуваше да ги ослаби руските позиции на фронтот и да испипа каде тие се најслаби, а кон крајот на мај висок функционер изјави дека веќе започнале прелиминарните операции како наводните уништување на синџирите за снабдување на руската војска и на складишта, а се смета дека во иста функција се и диверзантските операции на украинските сили на пограничните области на територијата на Русија.
