Руската војска ја презема контролата над стратешкиот град Изјум на истокот од Украина, соопштија од Министерството за одбрана на Русија.
„Оперативно-тактичката авијација погоди 60 војни објекти, во кои се наоѓаат два командни центра, два повеќенаменски ракетни лансери, четири складишта со муниција и уште 47 места каде што била складирана опрема и техника на украинската армија – се вели во сооштението.
Од украинска страна не е потврдена оваа вест.
Што се однесува до Мариупол, таму украинските бранители сè уште се држат во централното градско подрачје, а денеска беше објавена вест дека е организиран погреб на нивните жртви од последните неколку дена.
