Големиот пожар ја уништи напуштената фабрика за шапки во централната област на австралиската метропола Сиднеј и ги принуди службите за вонредни состојби да ги евакуираат станбените згради пред пожарникарите да успеат да ја стават под контрола стихијата во која нема настрадани.
Повеќе од 30 противпожарни возила и 120 пожарникари се справувале со пожарот во седумкатницата близу централната железничка станица во четвртокот попладнето по локано време, објави противпожарната бригада од Нов Јужен Велс и комесарот на спасувачките служби Џереми Февтреил.
Стотици луѓе од многу фреквентната станица од безбедна дистанца следеле како се уриваат ѕидовите и паѓаат на улицата којашто претходно службите ја испразниле.
„Пожарот е ставен под контрола, но ќе бидат потребни часови потполно да биде изгаснат“, рекол Февтреил за новинарите.
Додал дека жителите од околните згради биле евакуирани и оти нема повредени, како дека десетина тимови на службите сѐ уште се на местото на пожарот.