Три тела се извлечени од под урнатини во поранешен хотел претворен во болница за евакуираните лица од териториите кои преминаа под контрола на проруските бунтовници како резултат на гранатирање од страна на украинската војска врз градот Стаханов, објавија во саботата медицински извори во овој град во самопрогласената Народна Република Луганск на југоистокот на Украина.
Претходно проруските власти Луганск известија во петокот, украинските војски истрелале 10 ракети од американскиот повеќекратен ракетен систем со долг систем HIMARS. Според локалните власти, во гранатирањето бил оштетен поранешниот хотел и уште една станбена зграда. Руското Министерство за одбрана во дневниот брифинг, исто така, потврди дека украинската војска нападот врз болницата во Стаханов го извела со споменатиот американски ракетен систем, и оти притоа се убиени три лица, а седум се ранети.
„Во нефункционалниот хотел ‘Донбас’ во центарот на Стаханов, беше поставена теренска болница за раселените лица од ослободените територии кои настрадаа до агресијата на Вооружените сили на Украина. Вчера започна гранатирање од страна на украинската војска, при што имаше жртви. Денеска телата на три лица се извлечени од под урнатините“, изјавила за агенцијата РИА, лекарката Танжу Билгич.
Во моментов на местото на гранатирањето на расчистување на урнатините работат припадници на горската служба за спасување на проруските сепаратистички власти во Луганск, додава агенцијата.
Проруските власти во отцепените доминантно руски и рускојазични југоисточни украински региони во Луганск и Доњецк секојдневно известуваа за артилериски напади врз градовите под контрола на тамошните проруски милиции при што секојдневно се известува за повеќе цивилни жртви.
