Украинско беспилотно летало „камикази“ погоди станбена зграда во рускиот град Белгород, при што загина едно лице, а двајца се повредени, објави во петокот гувернерот Вјачеслав Гладков.
Еден човек загина во експлозијата, додека неговата сопруга се здобила со потрес на мозокот, повреди на лицето и изгореници, рече тој во објава на социјалните мрежи. Таа била пренесена во болница со брза помош. Уште едно лице се здобило со повреда на грбот и бил хоспитализиран.
Моментот на ударот очигледно бил снимен од камера. Краткиот клип објавен од локалните медиуми покажува беспилотно летало со фиксно крило како лета кон станбениот блок и експлодира при удар.
Регионот Белгород е редовно мета на украинските вооружени сили. Руското Министерство за одбрана двапати пријавило пресретнување на беспилотни летала во регионот претходно во текот на ноќта, а во текот на ноќта силите за воздушна одбрана спречиле 15 проектили истрелани од повеќекратен ракетен фрлач.
