Додека трае драмата околу поп-пејачката Бритни Спирс и нејзината борба против татко ѝ поради старателството што го има над неа, истовремено, на социјалните мрежи почна да се шири шокантно видео од еден од нејзините концерти во 2018 година.
Видеото го сподели Закари Гордон на неговиот налог наТвитер и објасни дека снимката е направена во Атлантик Сити во текот на турнејата на Бритни наречена „Парче од мене“ (Piece of Me).
„Драга Бритни, мислам дека ти должиме извинување. Толку бевме инвестирани во изведувачката Бритни, така што воопшто не нѐ интересираше со што Бритни Џин Спирс како личност требала да се справува секој ден“, напишал Гордон.
На видеото се гледа како Бритни се поздравува со обожавател кој бил изнесен на сцената од публиката, а таа потоа го предупредува да биде претпазлив бидејќи на сцената е „многу топло“.
– Мислам дека ќе се онесвестам. Болна сум и имам температура 39 степени – се слуша како вели Бритни.
Потоа го прашала мажот за неговото име и продолжила да танцува со него.
Да потсетиме, Бритни е под старателски надзор во последните 13 години, што ја спречува да донесува големи одлуки во сопствениот живот (и лични и финансиски) и сите одлуки ги носат нејзиниот татко Џејми Спирс и адвокатот Ендру Валет. Старателот исто така има овластување да го поништи полномошното во нејзино име, да одлучи каде ќе живее и да потпишува даночни обрасци во нејзино име. Одлуката беше донесена откако Бритни претрпе ментален слом во јавност во 2008 година и требаше да биде на сила до април минатата година, но беше продолжена сѐ до 2021 година.
Dear @britneyspears ….I feel like we owe you an apology. We bought into the whole hype of BRITNEY the performer, without much consideration for how Britney Jean Spears, the person, was coping through each day. Looking back now, I remember you saying this in front of me… pic.twitter.com/I80ODPKPvq
— Zachary Gordon (@ZacharyGordon95) June 22, 2021
