Две лица загинаа во бизарна несреќа во фабриката за електрични автомобили Нио во Шангај-Кина. Возилото во кое се наоѓале паднало од третиот кат на зградата во седиштето на компанијата.
Би-Би-Си пишува дека загинале еден вработен и едно лице од партнерската компанија, а според некои информации, во возилото биле двајца тест-возачи во моментот кога автомобилот паднал од зградата.
Во Нио велат дека е започната истрага за инцидентот во соработка со владини претставници. Во првата објава на социјалните мрежи порачаа дека „причина за несреќата не е самото возилото“, што предизвика огромен гнев кај корисниците.
„Тоа ја покажува ладнорвноста на капитализмот. Тие дојдоа да го тестираат возилото, но вие велите дека несреќата нема врска со возилото?“ – стои во коментарите.
Изјавата потоа беше преземена, по што беше објавена нејзина ревидирана верзија.
Terrible story of two test drivers at #China’s electrical vehicle manufacturer NIO being killed when a car somehow smashed out of a building and came crashing down from a great height. pic.twitter.com/4ZNI2t7LqZ
— Stephen McDonell (@StephenMcDonell) June 23, 2022
