Демонстрантите коишто ја подржуваат црногорската опозиција којашто го дава претседателот на Црна Гора, Мило Ѓукановиќ, се судрија во понеделникот вечерта пред парламентот во Подгорница откако беше усвоен законот со кој се ограничуваат и намалуваат овластувањата на шефот на државата.
Подгоричката полиција истрела лут-спреј и шок-бомби кон демонстрантите, откако тие насилно се обидоа да го пробијат полицискиот кордон поставен околу зградата на црногорскиот парламент фрлајќи врз полицајците камења, пиротехника и шишиња.
Опозициската Демократска партија на социјалистите (ДПС) на претседателот Мило Ѓукановиќ, кој со 33-те години е политичар кој најдолго се задржал на власт во Европа, обвинува дека парламентарното мнозинство сака да го присили шефот на државата конечно да му го даде мандатот за формирање влада на Миодраг Лекиќ.
Законот го поддржаа пратениците на просрпската партија Демократски фронт (ДФ), партијата на малцинствата Обединета реформска акција (УРА) на премиерот етнички Албанец, Дритан Абазаовиќ, и Демократи на поранешниот претседател на парламентот Алекса Бечиќ. Опозицијата која ја претставува ДПС на Ѓукановиќ не се појавија на гласањето претходно во понеделникот.
Истото парламентарно мнозинство го усвои истиот закон и на почетокот од ноември, но Ѓукановиќ одби да го потпише и наместо тоа го врати во Скупштината на повторно разгледување. Црногорскиот Устав, како и повеќето други во светот, пропишува дека шефот на државата е должен да го потпише законот, доколку тој и по вторпат биде усвоен во парламент.
Западните сојузници на Ѓукановиќ, дипломатите од Европската унија и САД инсистираа да не се менува законот за претседател на Црна Гора, откако таква необврзувачка препорака во петокот даде Венецијанската комисија, советодавното тело на Советот на Европа.
Претходно во понеделникот пратеници не ги избраа судиите во Уставниот суд, на највисоката судска инстанца во Црна Гора и натаму е блокиран и не може да носи одлуки, па така и за уставноста за законот за претседателот на земјата.
