Претседателот на Република Хрватска Зоран Милановиќ денеска учествува на конференцијата насловена „Хрватска каква што ни треба – зелен развој против климатската криза“.
Конференцијата е во организација на Вечерњи лист и Амбасадата на Државата Израел во Република Хрватска.
– Хрватска живее од туризмот, убавината и чистотата, најмногу од гостите од Западна Европа. Зелената трансформација мора да стане начин на живот, дел од свеста. Пред 20 години го видов за првпат во Белгија, а потоа една година подоцна на Крк видов дека луѓето исто така го одвојуваат отпадот. Ова не е идеологија, тоа се практични решенија за проблемите што самите ги создадовме, рече Милановиќ, говорејќи во контекст на туризмот и климатската криза, пишува Н1.
Осврнувајќи се на енергетиката, тој посочи дека потребата од гас нема да се промени преку ноќ и предупреди на зависност од рускиот гас, велејќи дека е илузија дека може да се откаже од него, а тие што го велат спротивното се политички илузионисти.
Милановиќ ги коментираше и изборите во Словенија:
– Видовме дека односите меѓу Хрватска и Словенија беа постабилни кога Јанша беше на власт, но не беа непријателски кога беше левицата. Политичарите секогаш некому му се обраќаат, рече меѓу другото.
Претседателот не мисли дека Словенија ќе и прави проблеми на Хрватска околу Шенген, а смета дека Хрватска можела да се приклучи во 2015 година.
„Но, тоа е политичка работа“, рече тој.
Коментирајќи ја реконструкцијата на владата, тој му рече на министерот за одбрана Марио Баножиќ дека е „криминалец“ и повтори дека „Удбашенковиќ ги прогласил генералите за криминалци“.
– Не мислам дека Удбаши се Трамишак, Анушиќ, Бутковиќ, но се додека не го осудуваат удбашот, кого УДБА го хранеше кога беше дете, тие се одговорни, рече тој.
Милановиќ изјави и дека Пленковиќ е „корумпиран и злобен“, па се врати на омилената тема – Удба:
-Додека другите јадеа кал во ЈНА, удбашите беа ослободени. Сфатија како да фрлаат кал по војската. Одвратно, рече тој.
Тој го коментираше и влезот на Финска во НАТО.
„Вклучување на Финска која е на 50 километри од Санкт Петербург е опасно шарлатанство. Но, не можеме да кажеме не. За нас Финска е поважна од Хрватска и Хрватите во БиХ, така? Што се однесува до мене, нека влезат во НАТО, нека избодат со пенкало во око бесна мечка. Но, додека не се реши прашањето за изборниот закон, додека Бакир Изетбеговиќ не биде принуден да го промени изборниот закон, Собранието не смее да ратификува ничиј пристап кон НАТО – рече тој.
– Не бараме Финска или Шведска да го сменат името во Икеа, туку само да им кажат на Американците ова да се реши. За мене тоа е витален национален интерес на државата, нацијата и народот. БиХ да биде организирана држава. Тогаш Загреб ќе навива БиХ да биде во ЕУ – рече тој, а пренесува Н1.
