Дискотеката „Аватар“ е над законите зошто е заштитена од мафијата на Заев, се вели во партиското соопштение на опозициската ВМРО-ДПМНЕ.
„Една иста компанија два пати ги изигрува законите и процедурите зошто јавна тајна е дека е блиска до семејството Заеви. Но, таквата разузданост се плаќа со здравјето на граѓаните. Тоа е и доказ за неспособноста на министерот за смрт и зараза Венко Филипче кој не е способен да ги дефинира и спроведе протоколите за здравствена заштита“, велат од опозицијата.
Тежок дебакл за институциите е да се дозволи корона кластер и тоа на два пати една дискотека да ги изигрува правилата и законите во државата. Таквата слабост е показател дека со државата владее мафија, додаваат од таму.