Заев и неговата влада лажат, кршат закони и се тотално неодговорни. Скандалот со пропуштање на лица преку граница со телефонски повик лично од Заев ја покажува целата беда на апсолутистичкото владеење на Заев, ова денеска преку соопштение до јавноста го истакнаа од ВМРО-ДПМНЕ.
-Владата прво невешто се обидуваше да демантира, но кога немаа каде да бегаат соочени со фактите мораше Заев лично да го признае скандалот. Прво и основно, Заев со ова извршил злоупотреба на службената должност и извршил влијание врз службеничката, која не смеела да постапи по наредби на Заев, бидејќи тој не е нејзин претпоставен. Второ, возилото кое било пропуштено по интервенција на Заев било странско возило од Косово, со косовски регистараски таблички и косовски државјани внатре, што е спротивно на она што го говореше државата дека биле македонски државјани, и е спротивно на било кој заклучок на било која седница на владата Владата, потенцираат од партијата.
Од таму додаваат дека да беше Заев вака ангажиран да ѕвони при набавка на вакцини, Македонија немаше да биде на дното по вакцинираност и на врвот по смртност од ковид 19 вирусот.
-Логично се поставува прашањето дали и колку камиони и возила со дрога, оружје, тутун, бело робје и слично можеби поминале преку граничните премини поради телефонски ургенции на Заев?, прашуваат од партијата.
