Поради премиерот Зоран Заев за четири години Македонија падна 15 места на листата на Херитиџ за економски слободи. Од 31 место во 2017 година, Македонија е сега рангирана на 46 место на листата за економски слободи во друштво со Руанда и Колумбија, стои во соопштението на ВМРО-ДПМНЕ од неделата.
Опозициската партина истакнува дека Херитиџ нотира дека „власта е во црвена зона“ во делот на интегритетот на Цладата и судскиот систем, како и дека оцената за актуелната власт е буквално единица во овој дел,
„Пад во однос на минатите години имаме и на полето на слобода на работниците и слободната трговија. Буквално Херитиџ кажува дека сега е потешко да се води бизнис во Македонија за разлика од порано. Времето за отворање на фирма е многу подолго што е одлика на бирократизација на системот кој му служи само на Заев, а е нефункционален за се друго“, велат од партијата.
ВМРО-ДПМНЕ посочува дека лошите оценки на Херитиџ се лош имиџ за Македонија и ќе го одвраќаат секој можен инвеститор.
„Секој сериозен инвеститор пред да се одлучи да ја запознае земјата одблиску гледа што за неа кажуваат мерењата на Херитиџ, Економист, Транспаренси Интернешенал. Време е ова да се смени. Време е Македонија да тргне напред. Време е за Македонија за сите луѓе“, додаваат во сопопштението
