ВМРО-ДПМНЕ ќе предложи до четирите најголеми политички партии да испратат писмо до Иванов за преиспитување на неговата одлука, се вели во соопштението испратено од партијата.
Соопштението во продолжение ви го пренесуваме во целост:
Одлуката на Претседателот Ѓорге Иванов не е во согласност со заложбите на ВМРО-ДПМНЕ. Нашиот став е јасен, секој што направил криминал треба да одговара.
Од тие причини, ВМРО-ДПМНЕ денеска ќе предложи да биде испратено писмо до Претседателот Иванов, потпишано од четирите најголеми политички партии, со барање да биде преиспитана одлуката за прекинување на кривичните постапки.
Во текот на денот ВМРО-ДПМНЕ ќе стапи во контакт со останатите три партии при што ќе им го понудиме нашиот предлог.
