„Во понеделник ќе поднесеме претставка до Уставен суд за ставање вон сила на законот за патни исправи, не може да се стигне да се направи замена до февруари. Го повикувам МВР и надлежните да се произнесат дека се издадени милион и 200 илјади патни исправи до овој момент. И остануваат некаде околу милион и 300 илјади што треба да се заменат. Од тие милион и 300 илјади кои што се преостанати само за сликање дневно има 4.000 барања и се потребни од прилика најмалку година дена. Така што е невозможно тоа да се стигне во февруари“, истакна претседателот на ВМРО-ДПМНЕ, Христијан Мицкоски од Вевчани.
Мицкоски додаде дека дури и информациите велат дека има околу 30.000 обрасци во моментот во МВР за издавање на патни исправи, десет илјади двојазични на албански јазик. Што значи дека тоа е само доволно да се покрие она кое што досега како барање е пристигнато во МВР.
„Нова набавка знаете дека нема, таа ќе стигне некаде во март месец. Никако тоа не може да се заврши до февруари оваа година односно за неколку недели од денес“, заклучи претседателот на ВМРО-ДПМНЕ.
Тој посочи дека во понеделник ВМРО-ДПМНЕ ќе ја поднесе претставката пред Уставниот суд.
„Во понеделник ќе поднесеме претставка пред Уставниот суд за ставање вон сила на законот и на тој начин да ја растеретиме. Доколку Уставниот суд сака да ја реши работата може веднаш да свика седница и да разговара по претставката и да ја стави вон сила законската уредба“, рече Мицкоски.