Власта купува пет пати поскапа струја, од тоа што државата сама може да произведе. Во изминатите неколку дена државата потроши над 9 милиони евра за купување на струја, по цена и до 250 евра од мегават час. Тоа е и до пет пати повеќе отколку цената на произведен мегават час од македонските електрани, стои во соопштението на ВМРО-ДПМНЕ.
Од партијата велат дека нема домашно производство и половина од потрошувачката е увозна затоа што Заев ги испразни езерата и ги остави на раб на исчезнување, а РЕК го остави без јаглен.
„Среде грејна сезона нема јаглен на депонијата во РЕК. Власта наместо да инвестира во нови ископи и копање на јаглен се фели на матни тендери и ги потроши парите на граѓаните, за сега да префрла нови 65 милиони евра на ЕЛЕМ и МЕПСО да ги покриваат дупките кои сами ги создадоа. Доколку на време се копаше јаглен во РЕК, и акумулациите се третираа професионално, сега воопшто немаше да има потреба ниту од увоз на јаглен, ниту од увоз на скапа струја, ниту од никакви други матни тендери. Но наместо на работа, власта се фрли на криминал. И затоа сме пред енергетски колапс“, посочуват од ВМРО-ДПМНЕ.
Од опозициската партија оддават дека актуелната власт нема капацитет да се справи со енергетската криза и дека мора да си замине.
