Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со саботата вакцинирани се вкупно 758.622 граѓани.
Прва доза вакцина во петокот и саботата примиле 4.019 граѓани, а вкупно се вакцинирале 23.221 граѓани. Во државата со помалку од два милиона жители, вкупно се аплицирани 1.381.901 дози вакцини, а ревакцинирани се 623.278 граѓани.
Со последните бројки 54 отсто од населението над 40 години имаат примено барем една доза вакцина и 30 проценти од населението над 18 до 39 години е вакцинирано со барем една доза вакцина.
Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 годишна возраст се вакцинираат со согласност од родител.
Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста се намалува шансата од заболување како и смртен исход од истата.
