Француските полицајци раниле во неделата радикализиран маж кој се заканувал со нож на улица во Мец на североистокот во Франција, соопштија властите.
„Ранет е, неговиот живот не е загрозен“, изјавил за AFP полициски извор, објаснувајќи дека мажот им се заканувал на полицајците кои пристигнале на местото на нападот и дека морале да го употребат оружјето и да го неутрализирајќи стрелајќи во неговите нозе. Во инцидентот нема други повредени.
Мажот, роден 1989 година, познат им е на властите по својата радикализираност и психички нарушувања, изјавил обвинителот на Мец, Кристијан Меркури. На полицијаците кои дошле да ги приведат им извикувал „Алаху Акбар“ (Господ е голем), додал.
Инцидентот се случи два дена по нападот во париското предградие Вилжуиф. Во тамошниот парк 22-годишниксо нарушено психичко здравје и преобратен во исламот во петокот со нож уби еден и рани тешко уште две жени, исто така, извикувајќи „Алаху Акбар“.
Тој беше застрелан од полицајците, а обвинителството во саботата вечерта соопшти дека и покрај тоа што не бил следен од разузнавачките служби, а претходно бил пријавуван за ппомали прекршоци, во меѓувреме бил радикализиран.
