Украински истражители за економски криминал денеска откриле повеќе од 4,7 милиони евра готовина без потекло во багажник на автомобилот на сметководителка на една украинска компанија.
„Жената не можеше да го објасни потеклото на парите“, изјавија властите во регионот на Киев, објавувајќи снимка од багажникот на автомобилот со натрупани банкноти од по 100 евра.
Само во 2022 и 2023 година предметната компанија доставила храна во вредност од 320 милиони евра на украинската армија. Според надлежните, даночното оптоварување било намалено со фиктивен заем.
Случајот се истражува за перење пари и масовно даночно затајување. Инволвираните се соочуваат со затворска казна до осум години.
Украина речиси две и пол години се брани од сеопфатна руска инвазија и добива огромна финансиска поддршка од западните земји.
