Советот за безбедност на ОН за утре закажа итен состанок зад затворени врати поради конфликтот меѓу Израел и палестинскиот Исламски џихад во појасот Газа, соопшти палестинскиот амбасадор на ОН Ријад Мансур.
Состанокот го побарале Обединетите Арапски Емирати, заедно со Кина, Франција, Ирска и Норвешка, наведено е во соопштението на директорката за стратешки комуникации на министерството за надворешни работи на ОАЕ, Афре Махаш ал-Хамели.
„ОАЕ ја нагласува потребата да се обнови затишјето во појасот Газа, да се намали ескалацијата и да се сочуваат животите на цивилите“, рече Ал-Хамели.
На состанокот ќе се разгговара околу најновиот равој на случувањата, и како да се поддржат меѓународни напори да се постигне мир.
Одлуката за состанок е донесена неколку часа откако палестинската мисија во ОН се обратила до членовите на Советот за безбедност на ОН и ги повикала да превземат одговорност за израелската агресија против палестинскиот народ.
