Скопската Противпожарна бригада во четвртокот вечерта изгасна пожар во стан во нова зграда на улица „Методиј Шаторов-Шарло“ во Аеродром, во кој загинала повозрасна неподвижна жена.
Командантот на Противпожарната бригада Владимир Симоновски за медиумите изјави дека пожарот го зафатил делот со креветот каде лежела жената, која била сама во станот и поради тешката здравствена состојба не можела да побегне.
Додаде дека жената, која за утре имала закажано операција, не можела да побегне, се задушила од отровните гасови. Жената имала рак и живеела сама во станот.
Од МВР информираат дека околу 21 часот полицијата добила пријава за пожар во стан на ул. „Методија Шаторов – Шарло“, сопственост на М.Ш. (1955) која била во станот и починала.
„Од страна на доктор во 21:30 часот констатирана е смрт. Пожарот е изгаснат од страна на БППЗ. По наредба на Јавен обвинител телото е предадено на судска медицина за обдукција“, велат од МВР.
Екипа на Министерството за внатрешни работи и Јавен обвинител вршат увид во опожарениот стан кај починатата
