Од 15.50 часот целосно во прекин е сообраќајот на патниот правец А1 Демир Капија – Смоквица и сообраќајот ќе се пренасочува по алтернативниот патен правец Р 1102, информираат од ЈП Македонијпат.
Камион кој сообраќал по делницата Демир Капија – Смоквица се излизгал околу 15 и 30 часот.
Возилото се извртило на автопатот „Пријателство“, поради што останатите учесници во сообраќајот се пренасочуваат по алтернативниот пат Р 1102.
Според надлежните од ЈП „Македонија пат“, сообраќајот е прекинат кај местото Јаворица, во близина на тунелите кај Демир Капија.
Тие велат дека во моментов се преземаат мерки за извлекување на тешкото товарно возило, а до тогаш сообраќајот ќе се одвива по стариот пат.
Во обратна насока, од Смоквица кон Демир Капија, сообраќајот се одвива без проблеми, но по зимски услови.
Сообраќајот на сите државни патишта се одвива во зимски услови, па сите патници се советуваат да се информираат за актуелната состојба пред да тргнат на пат.
