Министерството за одбрана на Словачка поднесе кривична пријава против поранешниот премиер и министер за донацијата на авионите во Украина.
Словачкото Министерство за одбрана поднесе кривична пријава против поранешниот премиер Едуард Хегер и неговиот министер за одбрана Јарослав Над поради донирање борбени авиони за Украина, изјави во петокот Игор Мелихер, државен секретар во словачкото Министерство за одбрана (СМО).
-Јарослав Над ја предаде Словачка. „По откривањето на низа пропусти на поранешната власт, ние како Министерство за одбрана поднесуваме пријава за сомнение дека извршил саботажа, односно велепредавство, злоупотреба на службената положба и повреда на должноста да управува со туѓ имот. “, изјави официјалниот претставник на ресорното министерство за новинарите.
Во пролетта 2023 година, Словачка ја донираше целата своја флота борбени авиони МиГ-29 од советската ера и два противвоздушни системи на Украина, со што стана првата земја што испрати воени авиони во Киев по избувнувањето на конфликтот со Русија во февруари 2022 година.
„Оваа одлука (да се донираат авиони) го остави словачкото небо незаштитено, а граѓаните изложени на безбедносен ризик“, рече Мелихер на прес-конференција во петокот, оценувајќи дека потегот на премиерот Едуард Хегер и неговиот министер за одбрана е неуставен.
