Четиринаесет припадници на сириската полиција се убиени за време на судирите со силите на администрацијата на поранешниот претседател Башар ал-Асад во провинцијата Тартус, соопшти преодната администрација рано во четвртокот.
Новиот сириски министер за внатрешни работи на Telegram објави дека 10 полицајци се ранети од, како што рече, „остатоци“ од владата на Асад во Тартус.
Исто така, наведува дека ќе се справи со секој кој ќе се осмели да ја поткопа безбедноста на Сирија или да ги загрози животите на нејзините граѓани.
Сириската полиција воведе полициски час во градот Хомс во текот на ноќта, објавија државните медиуми, по немирите поврзани со протестите што населението кои им ги припишува на припадниците на малцинските алавити и шиитските муслимански верски заедници.
Агенцијата Reuters наведува дека не можеше да ги одреди барањата на демонстрантите или обемот на немирите.
Некои жители ги поврзуваат демонстрациите со притисок и насилство насочено во последните денови против припадниците на алавитското малцинство, огранок на шиитскиот ислам која се смета за лојална на поранешниот претседател Башар ал-Асад, кој беше соборен од сунитските исламистички бунтовници на 8-ми декември.
Портпаролите на новата сириска влада предводена од групата Хајат Тахрир ал-Шам (HTS), поранешен огранок на Ал Каеда, не одговорија на барањата за коментар за полицискиот час.
Државните медиуми објавија дека полицискиот час е воведен за една ноќ, од 18 часот по локално време до четврток во 8 часот.
Новите водачи на земјата редовно ја повторуваат својата посветеност за заштита на малцинските религиозни групи кои стравуваат дека поранешните сунитски бунтовници, сега на власт, би можеле да се обидат да наметнат конзервативна форма на исламистичко владеење.
Помали демонстрации беа одржани и во други области во близина на сирискиот брег, дом на мнозинството од алавитското малцинство во земјата, вклучувајќи го и градот Тартус.
Демонстрациите се одржаа околу времето кога на социјалните мрежи почна да кружи видео од пожар во храмот на алавитите во градот Алепо, при што вооружени мажи влегуваа и позираа во близина на човечки тела.
Министерството за внатрешни работи на својот официјален профил на Telegram објави дека видеото е од бунтовничката офанзива на Алепо на крајот на ноември, а насилството го извршиле „непознати групи“.
Исто така, се тврди дека некои членови на поранешниот режим ги нападнале силите на Министерството за внатрешни работи во крајбрежната област на Сирија во средата, и дека нападот резултирал со неколку жртви и повредени.
