Во тешка сообраќајка во Штип, утрово животот го загуби двесет и едногодишна девојка од Свети Николе.
Сообраќајката се случила на булеварот „Гоце Делчев“, а според информациите од МВР до несреќата дошло кога возило од марката „ауди“ удрило во електричен столб и преминало на другата страна на булеварот.
Во возилото заедно со девојката имало и 21-годишно момче кое со повреди било пренесено во штипската Клиничка болница.
Во тек е увид од страна на основен јавен обвинител и полиција за да се утврди причината за несреќата.