Лидерите на либанскиот Хезболах и на палестинските милитантни групи Хамас и Исламски Џихад решиле да ја запрат „предавничката и брутална агресија“ на Израел на состанокот во Бејрут, објави „Тајмс оф Израел“.
Лидерот на Хезболах Хасан Насрала, Салех ал-Ароури од Хамас и водачот на Исламскиот џихад Зиад ал Нахалех се состанаа за да разговараат како да „остварат вистинска победа на отпорот во Газа и Палестина“ и да се запре израелската „предавничка и брутална агресија против нашиот угнетен и непоколеблив народ. во Газа и на Западниот Брег“, пишува весникот, цитирајќи ја изјавата објавена од медиумите под контрола на Хезболах и либанските државни новински агенции.
Тензиите на Блискиот Исток повторно се разгореа на 7 октомври кога милитантите на Хамас започнаа ненадеен упад на израелска територија од Појасот Газа. Палестинското движење го опиша својот напад како одговор на агресивните дејствија на израелските власти против џамијата Ал Акса во стариот град на Ерусалим. Израел објави целосна опсада на Газа и почна да изведува напади врз палестинската енклава, како и врз одредени области во Либан и Сирија. Судири има и на Западниот Брег.
