Генералот Абдурахаман Тчиани, шефот на Националниот совет на Нигер за заштита на татковината, потпиша наредба со која се овластуваат одбранбените и безбедносните сили на Буркина Фасо и Мали да влезат на територијата на Нигер во случај на напад врз неа, објави агенцијата Нигериен де прес.
На 24 август, шефот на преодната влада Али Ламине Зеине се состана со министерски делегации од Мали и Буркина Фасо, објави новинската агенција.
Делегациите ја потврдија својата желба да се борат против тероризмот и екстремизмот заедно со Нигер, соопшти Нигериен де прес. Претставниците на трите земји ја истакнаа „потребата од зајакнување на механизмите за соработка, размена на разузнавачки податоци и заеднички операции за целите на зголемување на ефикасноста за спротивставување на активностите на терористичките групи“, соопшти новинската агенција.
Нигер, Буркина Фасо и Мали се согласија „да си обезбедат можности за меѓусебна одбрана и помош во сферата на одбраната и безбедноста во случај на агресија или терористички напади“, објави Нигериен де прес.
