Екипите на Волфсбург, Наполи и Севиља обезбедија убедливи победи во првите мечеви од осминафиналето од Лига Европа.
Германскиот тим на домашен терен беше подобар со 3:1, иако нивната мрежа прва се затресе. Родриго Паласио по само шест минути игра му донесе предност од 1:0 на Интер.
Трагичар на мечот беше голманот на италијанскиот тим Карицо кој практично му ја подари победата на Волфсбург.
Во 28-та минута по ударот со глава на Налдо, голманот на Интер ја испушти топката од рацете, која заврши во неговата мрежа. Во 63-тата минута Карицо повторно прави катастрофална грешка, по што преку Де Брујн Волфсбург направи пресврт и дојде во водство.
Истиот играч во 76-тата минута од слободен удар погоди за конечни 3:1.
Резултати ЛЕ, осминафинале први мечеви:
Зенит – Торино 2:0
Бриж – Бешикташ 2:1
Дњипро – Ајакс 1:0
Волфсбург – Интер 3:1
Евертон – Динамо Киев 2:1
Фиорентина- Рома 1:1
Наполи – Динамо Москва 3:1
Виљареал – Севиља 1:3
