На њујоршки Волстрит се тргуваше многу претпазливо во четвртокот бидејќи инвеститорите не сакаа да преземаат ризици пред објавувањето на новиот извештај за инфлацијата во САД, што може да влијае на насоката на пазарот.
Индексот Dow Jones зајакна 0,09 отсто, на 39.164 поени, додека S&P 500 порасна за 0,09 отсто, на 5.482 поени, а Nasdaq 0,30 отсто, на 17.858 поени.
Малите поместувања на индексите беа резултат на претпазливоста пред новиот извештај за инфлацијата во САД во мај, кој ќе биде објавен подоцна во петокот, што може да влијае на насоката на пазарот. Инвеститорите се надеваат на дополнително ублажување на инфлацијата, што ќе ги поддржи надежите за позначајно намалување на стапките од страна на американската централна банка оваа година.
Последните денови челниците на Fed изјавуваа дека инфлацијата сѐ уште е значително над целните нивоа на централната банка и проценуваат дека е можно едно намалување на каматните стапки до крајот на годината. Пазарот, пак, проценува дека Fed двапати ќе ги намали каматните стапки до крајот на годината, почнувајќи од септември.
А на повеќето европски берзи цените на акциите вчера паднаа. Лондонскиот FTSE индекс ослабе за 0,56 отсто, на 8.179 поени, а париски CAC за 1,03 отсто, на 7.530 поени. Франкфуртски DAX зајакна, пак, за 0,30 отсто, на 18.210 поени.
