а Волстрит во понеделникот берзанските индекси паднаа петти ден со ред, при што Dow Jones потона во областа на „мечката“, бидејќи вложувачите стравуваат дека агресивното зголемување на клучните каматни стапки на американската централна банка Federal Reserve (Fed) ќе ја турнат економијата во рецесија.
И на повеќето европски берзи цените на акциите вчера паднаа. Лондонскиот FTSE индекс зајакна за 0,03 отсто на 7.020 поени, меѓутоа паднаа франкфуртскиот DAX за 0,46 отсто на 12.227 поени и парискиот CAC за 0,24 проценти на 5.769 индексни поени.
Во Њујорк индексот Dow Jones се лизна за 1,11 отсто на 29.260 поени, додека S&P 500 ослабе за 1,03 проценти на 3.655 поени, а Nasdaq индекс за 0,60 отсто, на 10.802 индексни поени.
Откако во петокот индексите S&P 500 и Nasdaq потонаа во ткн областа на „мечката“, 20 отсто под своето рекордно ниви, вчера во тоа подрачје им се придружи и Dow Jones.
Патот на овие индекси пет последователни дена, последица е стравувањето на вложувачите дека агресивното заострување на монетарната политика на Fed да ја турне економијата во рецесија.
Минатата седмица Fed веќе третпат во низа ги зголеми каматите за 0,75 процентни поени, а распонот од 3 до 3,25 отсто, што е нивно највисокото ниво од 2008 година. А челниците на Fed порачаа дека и натаму ќе ја зголеми цената на парите за да се спушти инфлацијата од највисоките нивоа по повеќе од 40 години.
Меѓутоа, агресивните планови на Fed за сузбивањето на инфлацијата на целените 2 отсто ќе потрае со години, ќе го забави растот на економијата и ќе ја зголеми невработеноста, покажуваат проекциите на американската централна банка. На пазарите овие денови најмногу се шпекулира колку Fed натаму може да ги подигне каматите.
Поради тоа, вложувачите стравуваат дека досега најагресивното зголемува на каматите на Fed во историјата ќе ја турнат економијата во подлабока рецесија. Технички американската економија веќе е во рецесија, имајќи ги предвид последните две тримесечја падна на квартално ниво, но засега таа рецесија е плитка.
