За многу кус период, за период од некаде два месеца Општина Бутел односно новиот тим во Општина Бутел успеа од идеја до реализација да направи неколку проекти поврзани во прв ред со образованието, изјави во средата градоначалникот на оваа скопска општина, Дарко Костовски.
„Вложивме 10 милиони денари во образованието, тука спаѓаат две ултра модерни баскет игралишта кои што ќе служат за дечињата од основните училишта „Ацо Шопов“, каде што се наоѓаме денеска во Радишани, и „Свети Климент Охридски“ во населбата Бутел 1, но ќе можат да ги користат и луѓето од локалното население“, рече Косвоски.
Наведе дека 33-те интерактивни табли коишто ќе бидат распореден во сите седум основни училишта на територија на општината Бутел за да може да се следи модерен тип настава и опремиле три кабинета по информатика, еден токму во училиштето „Ацо Шопов“, еден во основното училиште „Гоце Делчев“ и тоа училиште првпат во историјата добива кабинет по информатика, и по 20 години основното училиште „Лиман Каба“ во Љуботен исто така доби кабинет по информатика. Секој посебно во вредност по вредносна сума е некаде околу десетици илјади евра.
„Исто така вложивме и во градинките, за предучилишната возраст кај најмалечките. Вложивме три милиони денари, направивме едно ултра модерно квалитетно детско игралиште, безбедно игралиште во еден од клоновите кај градинките во Бутел 1. Опремивме десетина училници со нови столчиња и масички. Донесовме две ултра модерни специјални интерактивни табли за предучилишна возраст, набавивме нова кујна, и набавивме играчки за сите клонови на градинката „11-ти Октомври“ во општина Бутел.
Значи да сумирам, 13 милиони денари инвестирани за само првите започнати проекти до реализација за само два месеци на територија на општина Бутел“, изјави Костовски.
