ВОЗНЕМИРУВАЧКО ВИДЕО| Израелските војници на Западниот брег убиле четворица Палестинци, од кои две се деца

Израелските сили убиле во средата четворица Палестинци, од кои две се деца, во градот Џенин на северот на Западниот брег (на реката Јордан), објави службената новинска агенција WAFA и другите регионални медиуми.

„Две деца, Адам Самер ал-Ѓул, на 8 години, и Басил Силејман Аби ал-Ваф, на 15 години, го застрелаа окупациските сили во градот Џенин“, го цитираат медиумите соопштението на Министерството за здравство на Палестинската самоуправа.

Агенцијата WAFA неколку часа подоцна објави дека други двајца Палестинци, Мугамад Џамал Зубеиди и Висам Заид Ханун од бегалскиот камп во Џенин, исто така, се убиени од израелските војници, додавајќи дека „окупациските сили ги земаа нивните дела“.

Израелската војска во соопштение објави дека Зубеида и Ханун се убиени „во текот на заедничката антитерористичка активност на (Израелските одбранбени сили) IDF и (Израелската безбедносна агенција) ISA и израелската гранична полиција спроведена во кампот во Џенин“.

Зубеида бил „виш оперативец“ на радикалното палестинско движење Исламски џихад и „еден од клучните терорости“ во бегалскиот камп во Џенин, според израелската страна.

„Бил вклучен во обемни терористички активности, извешуваше напади со огнено оружје и поттикнуваше дополнителни терористички напади“, се додава во соопштението на израелската војска.

Израелските сили убиле седум Палестинци, вклучително и двајца малолетни, на Западниот брег изминатиот викенд, според податоците на двете спротиставени страни.

Насилствата меѓу израелските доселеници и израелските сили на Западниот брег, кој меѓународната заедница го смета за окупираната палестинска територија од Израел во војната до 1967 година, се засили последните седмици откако палестинското исламистичко движење Хамас, кое владее со Појасот Газа на 7-ми октомври изведе напад без преседан во јужен Израел, а израелската војска започна одмазнички удари и копнена офанзива во таа палестинска енклава.

Израелските сили убиле најмалку 242 Палестинци и раниле уште 2.850 други, а уапсени се стотици на Западниот брег. Меѓународните организации предупредуваат на засиленото насилство во енклавата речиси повеќе од една година и на ескалација на рации и апсења на Западниот брег, како и смртоносни палестински напади врз Израелците. Се наведува дека и пред 7-ми октомври, 2023 година веќе беше најсмртоносната година за Палестинците на Западниот брег во повеќе од две децении.

 

 

ПОВРЗАНИ НАПИСИПОВЕЌЕ ОД АВТОРОТ