Со својот „прецизен, смртоносен и изненадувачки“ напад врз Иран, Израел испрати јасна порака, вели министерот за одбрана Јоав Галант – „Долгата рака на Израел ќе допре до секој што ќе се обиде да ни наштети“.
„Нема место што е премногу далеку за нас“, вели Галант на државната церемонија за војниците кои паднаа во битка од 7 октомври минатата година.
Галант вели дека Хамас „престанал да работи како воена рамка“ и дека Хезболах „продолжува да прима низа удари. Нејзиниот синџир на команда беше елиминиран, поголемиот дел од ракетната сила беше уништена, а нејзините сили беа погодени и се повлекоа од границата“.
Терористичките групи повеќе не претставуваат „ефикасна алатка во рацете на Иран“, тврди тој.
Сепак, тој нагласува дека не може секоја цел да се постигне со воена сила.
„Враќањето на заложниците во нивните домови бара болни компромиси“, вели Галант.
„Мораме да го направиме ова за заложниците, за нивните семејства, за војниците кои паднаа за оваа цел, за наследството на ИДФ и во името на еврејскиот и националниот дух“.
„Ова е наша одговорност“, вели Галант
