До вторник ќе се задржи стабилно, сончево и топло време со мала до умерена локална облачност, а температурата ќе биде во постепен пораст.
Во среда кон крајот на денот ќе има услови за краткотраен локален дожд, а во четврток на повеќе места ќе биде нестабилно со пороен дожд, грмежи и засилен ветер.
Времето во Македонија ќе биде сончево со мала локална облачност повеќе на исток и на југ од земјата. Ќе дува слаб северен ветер.
Утринската температура ќе се движи од девет до 17, а дневната од 27 до 33 степени.
Во Скопје сончево со мала локална облачност и со слаб северен ветер. Утринската температура ќе се спушти до 14, а дневната ќе се искачи до 32 степени.
УВ-индексот ќе има вредност 7.
